Üfuqdən baş verın afitab kimi,

Yanardı gözümdə gözün, a gözəl.

Çeşmeyi-əntəhur-pak olan şərab,

Şəkərdi, şərbətdi sözün, a gözəl.

Mirvari dişindi, yaqut xalındı,

Sevgilim xoş olan sənin halındı.

Səhər-oxşarındı, nur-camalındı,

Sanıram qəmərdi üzün, a gözəl.

Şəmşir sevib sən tək nəcib bəşəri,

Hüsnünə heyrandı, ey gözəl pəri.

Xilqətində nəcabətin əsəri,

Muqəddəs mələksən özün, a gözəl.

1972