Şərqin demokratiya təməli...
Mingəçevir şəhərində yerləşən Milli Qəhrəman Ş.Şükürov adına Kəlbəcər rayon 35 №-li tam orta məktəbin Azərbaycan dili və ədəbiyyat müəllimi,müstəqil jurnalist İnqilab Şirinbəylinin təşəbbüsü və təşkilatıçılığı ilə "Şərqin demokratiya təməli"mövzusunda elmi məzmunlu Dəyirmi masa keçirilib. Tədbirdə məktəb rəhbərliyi, müəllimlər və yuxarı sinif şagirdləri iştirak edib. Toplantını giriş sözü ilə açan məktəbin direktoru,tanınmış şair Elşən Əzimov (Elşən Əzim) dəyirmi masanın keçiriləmsinin təqdirəlayiq addım kimi dəyərləndirib və Azərbaycan Xalq Cümhuriyyətinin 100 illik yubileyinin təkcə ölkəmiz,xalqımız üçün yox,həm də dünya çapında dövlətçilik ənənlərimizin təbliğ edilməsinin ideoloji əhəmiyyətini xüsusi vurğulayıb.Sonra söz tədbirin təşkilatçısı İnqilab Şirinbəyliyə verilib.O,qeyd edib ki,bu tədbir Azərbaycan Respublikasının prezidenti İlham Əliyevin 16 may 2017-ci ildə “Azərbaycan Xalq Cümhuriyyətinin 100 illik yubileyi haqqında” və 2018-ci ilin ölkədə “Azərbaycan Xalq Cümhuriyyəti ili” elan edilməsi ilə əlaqədar 10 yanvar tarixli sərəncamlarına uyğun olaraq təşkil olunub.Ardınca natiq "Şərqinin ilk demokratik dövləti- Azərbaycan Xalq Cümhuriyyəti"mövzusunda mühazirə ilə çıxış edib.Daha sonra məktəbin tarix müəllimi Afət Alıyeva "Azərbaycan Xalq Cümhuriyyəti dövründə Dövlət-din münasibətləri",Psixoloq Dilrubə Quliyeva "Azərbaycan Xalq Cümhuriyyəti və dil məsələləri",Hərbi rəhbər,Qarabağ döyüşlərinin iştirakçısı Camal Sarıyev " Azərbaycan Xalq Cümhuriyyəti dövründə hərbi diplomatiya", IX sinif şagirdiləri- Şirinzadə Aytac və Cabbarlı Sevinc müvafiq olaraq "Bakı Dövlət Universiteinin yaranması uğrunda mübarizə aparan nazir" və "Azərbaycan Xalq Cumhuriyyətinin xarici siyasəti" mövzularında mühazirələr söyləyiblər.Dəyirimi masa muzakirələrlə davam edib.Həmçinin,tədbirdə məktəblilərin Azərbaycan Xalq Cümhuriyyətinə görə hazırladıqları əl işləri nümayiş olunub.
