Şair Sücaətin heç yerdə çap olunmamış ŞEİRİ


23:10 | 02.10.2018


Mərhum şair Sücaətin qardaşı – tanınımış jurnalist Hidayət Elvüsal anım günündə Sücaətin indiyədək heç yerdə çap olunmamış bir şeirini Facebook səhifəsində paylaşıb. Kalbajar.com həmin şeiri təqdim edir: EY DOST Düşüb sorağına xoş gələcəyin Ac-susuz azadlıq gəzirik, ey dost. Yarımız vaylarda donub qalmışıq Yarımız toylarda süzürük, ey dost. Yurdumuz, yuvamız gedəndən bəri Gəzirik, tapmırıq bir ümid yeri. Vətən həsrətiylə can verənləri Soyuq məzarlara düzürük, ey dost. Oğul, qız yanında üzümüz qara, Taleyimiz şikəst, qəlbimiz yara. Xarici banklara pul yığanlara Çıxdaşıq, xırdayıq, nəzirik, ey dost. Namusu, qeyrəti, arı itirib, Aşotu, Sərkisi qonaq gətirib, Utanmaz-utanmaz qələm götürüb “Şanlı səhifələr” yazırıq, ey dost. Deyirik əllidir yüz görə-görə, Əyri danışırıq düz görə-görə. Ağıl kəsə-kəsə, göz görə-görə, Bir-birin başını yozuruq, ey dost. Ərşin əyiləndə dözə bilmirik, Haqlı söyüləndə dözə bilmirik. Düz söz deyiləndə dözə bilmirik, Yaralı şir kimi qızırıq, ey dost. …Sücaət, məhşərə çəkiblər bizi, Əyiblər, qırıblar, büküblər bizi. Yığıb qan gölünə töküblər bizi, Bilmirik hayana üzürük, ey dost. Sücaət Yunus oqlu Əhmədov 4 iyun 1943-cü ildə Kəlbəcərdə fizika müəllimi Yunus Əhmədovun ailəsində anadan olub. 2002-ci ildə Gəncə şəhərində ağciyər çatışmazlığından vəfat etmişdir. Məzarı Göy-Göl rayonundadır. 


15 views

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev