ŞİRİNOV ZƏRRAF TƏHMƏZ OĞLU


Bəzən tay-tuşları onun haqqında söhbət edəndə, zarafatla belə bir dioloq yaratmışlar:

-Onun adı nədir?

-Zərrafdır.

-Sənəti nədir?

-Cərrahdır.

Doğrudan da Zərraf həkim hal-hazırda Bakıdakı 5 saylı klinik xəstəxanasında təcürbəli bir cərrah kimi fəaliyyət göstərir.

Şirinov Zərraf Təhməz oğlu, 1962-ci ildə Kəlbəcər rayonunun Qasımlı kəndində anadan olmuşdur. 1980-ci ildə İstibulaq kənd orta məktəbini bitirmişdir. 1981-ci ildə hərbi xidmətə çağırılmış və 1983-cü ildə Altay vilayətində hərbi xidmətini başa vurub Bakıya qayıtmışdır. Elə həmin il, 1983-cü ildə ATU-nun Müalicə-profilaktika fakültəsinə qəbul olmuşdur. O, hələ tələbəlik illərində tələbə yoldaşlarının çoxundan təhsildə və təcrübədə fərqləndiyi kimi, institutda da fərqlənərək, fərqlənmə diplomu ilə bitirmişdir. Tələbəlik illəri boyu elmi işlə məşğul olduğu və elmdə daha yüksəklərə can atdığından 1989-1992-ci illər ərzində Azərbaycan Respublikası Səhiyyə Nazirliyi ET Qastroenterologiya İnstitutunun qida borusu, mədə və on iki barmaq bağırsağın cərrahiyəsi şöbəsinin kliniki ordinatorunda təhsilini davam etdirmişdir.


Z.T.Şirinov 1991-ci ildən ET Qastroenterologiya İnstitutunun qida borusu, mədə və on iki barmaq bağırsağın cərrahiyə şöbəsində elmi işlərini davam etdirir. Bununla yanaşı o, 1997-ci il may ayının 14-də “Çatıq xora mənşəli piloroduodenal stenozlar zamanı mədə rezensiyasiyası və ya vaqotomiya” mövzusunda namizədlik dissertasiyası üzərində işləyərək uğurla başa çatdırmış və müdafiə edərək alimlik dərəcəsi almışdır.


Z.T.Şirinov işlədiyi müddətdə 300-dən çox cərrahiyə əməliyyatı aparmış və neçə-neçə insanıa şəfa bəxş edərək, gözü yolda qalan ailəsinə sağ-salamat qaytarmışdır. İndiyə kimi 30-dan çox elmi məqalə və bir metodik vəsait nəşr etdirmişdir. Həmin məqalə, elmi metodiki yazıları nəinki Azərbaycanda, hətda Gürcüstanda, Türkiyyədə, İtaliyada, İngiltərədə və Rusiya Federasiyasında da çap etdirmişdir.


Z.T.Şirinov elmi fəaliyyətini bu gün də davam etdirir. Onun yeganə arzusu tezliklə doğma Kəlbəcərin və beşiyi olduğu, abı-havası min dərdin dərmanı olan səfalı kəndlərinin azad edilməsidir.


Z.T.Şirinov valideyinləri, beş qardaşı, iki bacısı ilə birlikdə keçirdiyi firəvan günlər, bağ-bağatlı, bərəkətli əkin-biçinləri, mal-qoyun becərdikləri onun gözünün qabağından çəkilmir. İndi onlar doğma yurdalarından didərgin düşmüşdür.


Şirinov Zərraf evlidir. İki oğlu və bir qızı şagirddirlər, anaları da həkimdir. Atası, anası həkim olan uşaqların da arzusu həkim olmaqdır.

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev