Şuşada "fars abidəsi" kimi təqdim edilən Azərbaycan məscidi “bərpa” edildi

Yuxarı Gövhər Ağa məscidi. Fotolar dünən - 26.05.2019-cu il tarixdə çəkilib. Göründüyü kimi məsciddə "bərpa" işləri aparılır. "Bərpa" sözünü ona görə dırnaq arasında yazdlm ki, ermənilər bu məscidi "fars məscidi" kimi qələmə verməklə İran İslam Respublikasında fəaliyyət göstərən bir şirkəti bu işlərin maliyyələşməsinə cəlb ediblər. Şübhəsiz bu şirkətin rəhbərliyinin ermənilərlə sıx əlaqəsi, eyni zamanda qohumluğu var. Nəticədə Respublika əhəmiyyətli tarix memarlıq abidəmiz olan bu incinin tarixi saxtalaşdırılır.
Yuxarı Gövhər Ağa məscidi XVIII əsrin memarlıq abidəsidir. 1769-cu ildə ikinci Qarabağ xanı İbrahimxəlil xan Cavanşirin göstərişi ilə tikilmişdir. 1885-ci ildə Azərbaycan şairəsi Gövhər Ağa Cavanşirin (İbrahimxəlil xanın qızı) vəsaiti hesabına bərpa edilmişdir. Memarı Kərbalaı Səfixan Qarabağidir.Onu da qeyd edim ki, məscidin minarələrində olan zədələr Şuşa şəhərinin işğalından sonra ermənilər tərəfindən minarələrin uçurulması məqsədi ilə qumbaraatanlardan atılan atəşlər nəticəsində əmələ gəlmişdir.
İsmayıl İsmayılov