''Əgər Cavid Qurbanov namizədliyini verməyəcəksə...''

Updated: Dec 13, 2019

Çox qəribədir, deputatlığın ağrı-acısını dadmayan, deputatlığın nə olduğunu bilməyən və bilənlərdən soruşmayan bir xeyli soydaşımız deputatlıq eşqinə düşüb sağına-soluna baxmadan meydan sulayır.

Əzizlərim, siz düşündüyünüz qədər sadə, asan bir iş deyil deputatlıq. Bəlkə də, deputat sözü adi bir termin kimi cəlbedici, gəl-gəl deyən gözəl təsiri bağışlayır. Amma əsl mahiyyəti Millət vəkili olan bu sözün arxasında yuxusuz gecələr(gecənin bir aləmində yataqxanada işıq söndü, gəl, xəstəxanaya ağır xəstə gətiriblər, gəl, polis tökülüb bizi gecə saat 3-də sığındığımız sığınacaqdan çıxarır, gəl), ağır məhrumiyyətlər, dözüm, səbr, dəyanət və çooox böyük ürək dayanmalı olduğu hər adamın daşıyası yük deyil! Beş illik və ondan da bir neçə dəfə çox olan müddətdə minlərlə dəfə belə hadisələrlə üzləşən adam kimi deyə bilərəm ki, bu ağır yük hər adamın daşıyacağı yük deyil! İnsaf naminə deyim ki, bu sahədə kəlbəcərlilərin bəxti bir az gətirib. Az-çox mən də bir işə yaradım və məndən sonra Cavid Qurbanov çox böyük kömək etdi camaatımıza. İndi deputatlıq eşqinə düşən eloğullarıma demək istəyirəm:

"Əgər Cavid müəllim namizədliyini verməyəcəksə və kimsə bu eşqin alovuyla alışıb yanırsa, bir kəlbəcərli məclisi təşkil edin, üzdə olan ağsaqqal-qarasaqqalın, ziyalıların iştirakıyla(əmioğlu məclisi adı da qoya bilərsiniz) səmimi, konyukturadan uzaq müzakirə, fikir mübadiləsi aparın, həmən o namizədləri dinləyin, indiyədək sizlər üçün nə etdiklərini və nə edəcəklərini soruşun. Əllərini Kəlbəcər adıyla qazandıqları var-dövlətinin yox, ürəklərinin üstünə qoyub and içsinlər ki, kəlbəcərlilərin ağası yox, sözün əsl mənasında nökəri olacaq və bundan sonra əgər sizlərin etimadını, inamını qazanacaqsa, namizədliyini irəli sürsün!"

Əlövsət Ağalarov, "Azərnəşr"-in baş redaktoru, əməkdar jurnalist, keçmiş millət vəkili

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev