ƏHMƏDOV YUSİF KƏRƏM OĞLU


Əhmədov Yusif Kərəm oğlu, 1941-ci ildə Kəlbəcər rayonunun Kəlbəcər qəsəbəsində anadan olmuşdur. 1948-ci ildə Kəlbəcər kənd orta məktəbinin I sinfinə qəbul olmuş, 1958-ci ildə həmin məktəbi qurtarmışdır. O, 1958-ci illərdə Kəlbəcər rayon mərkəzi pionerlər evinin direktoru işləmişdir. 1959-cu ildə V.İ.Lenin adına Azərbaycan Dövlət Pedaqoji Universitetinin Biologiya-kimya fakültəsinə daxil olmuşdur. 1964-cü ildə institutu bitirdikdən sonra, təyinatla Kəlbəcər 1 saylı orta məktəbinə kimya-biologiya müəllimi kimi işə qəbul olmuşdur. 1965-ci ildən müəllim işləməklə yanaşı həm də Kəlbəcər rayon Xalq Maarif şöbəsində metodist-inspektoru vəzifəsində çalışmışdır. 1966-cı ildən 1967-ci ilə kimi Kəlbəcər şəhər fəhlə-gənclər məktəbində direktor işləmişdir.


Y.K.Əhmədov 1967-ci ildə V.İ.Lenin adına APİ-nin botanika üzrə aspiranturasına daxil olmuşdur. 1970-ci ildə aspiranturanı qurtarıb botanika kafedrasına müəllim qəbul olunmuşdur.


Y.K.Əhmədov 1973-cü ildə “Bitki köklərinin uduculuq fəaliyyətinə sitokininlərin təsiri” mövzusunda dissertasiya müdafiə etmiş, biologiya elmlər namizədi alimlik dərəcəsinə layiq görülmüşdür. Həmin ildən kafedrada baş müəllim, 1977-ci ildən dosent vəzifəsində çalışmışdır.


Yüksək elmi bacarığa malik olan Y.K.Əhmədov,1980-81-ci illərdə Humbolt adına Berlin (ADR) Universitetində təcrübəçi kimi fəaliyyət göstərmiş, professor Xorst Körinq ilə birlikdə Almaniyada və İngiltərədə çıxan “Bitki fiziologiyası” jurnalında geniş elmi məqalələrlə çıxış etmişdir. 1984-cü ildən ADPU-nun botanika kafedrasının müdiridir.


Y.K.Əhmədov 1992-ci ildə professor adı almışdır. Onun yazdığı elmi məqalələr nəinki Azərbaycanda, hətda xarici ölkələrdə-İsrail, Çexoslavakiya, Almaniya, Polşa, Rusiya, Qazaxıstan, Özbəkistan, Ukrayna və Belarusiya elmi jurnallarında çap olunmuşdur. Bunlarla yanaşı Y.K.Əhmədov Moskvada, Leninqradda, Permdə, Kazanda, Daşkənddə, Səmərqənddə, Ufada, Alma-Atada keçirilmiş elmi konfranslarda iştirak etmiş, dərin elmi məzmunlu məruzələr oxumuşdur.


27 views

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev