5 oktyabr Beynəlxalq Müəllimlər Günüdür
08:25 | 05.10.2018
5 oktyabr 1966-cı ildə YUNESKO və Beynəlxalq Əmək Təşkilatının birgə təşkilatçılığı ilə çağırılan konfransda müəllimlərin peşə fəaliyyətinin şərtlərini təyin edən "Müəllimlərin statusu haqqında" adlı ilk beynəlxalq sənəd imzalanmışdır. 1994-cü ildən isə həmin tarix YUNESKO tərəfindən Ümumdünya Müəllimlər Günü kimi təsis edilmişdir. Bu tarix həmçinin BMT-nin də beynəlxalq və ümumdünya günlər sisteminə daxildir. Bu günün qeyd olunması müəllimlərin cəmiyyətdəki mövqeyi, təhsil və inkişafdakı roluna diqqət çəkməyi nəzərdə tutmuşdur. Hal-hazırda dünyanın 100-dən çox ölkəsində ümumdünya səviyyəsində qeyd olunduğu halda, bəzi ölkələrdə müxtəlif tarixlərdə ayrıca olaraq milli səviyyədə "Müəllimlər günü" qeyd edilir. Məsələn, müxtəlif əlamətdar hadisələr əsasında Albaniyada 8 mart, Cənubi Koreyada 15 may, Argentinada 11 sentyabr, Çində 28 sentyabr, Özbəkistanda 1 oktyabr, Türkiyədə 24 noyabr tarixlərində Müəllimlər günü qeyd olunur.
P.s : "Bugün həmçinin öz doğma yurd yuvasından didərgin düşmüş rayonlarımızın məktəblərindədə bugün simvolik olaraq qeyd edilir.Müəllimlər günü münasibətilə Kəlbəcər rayonu Təhsil şöbəsinin müdiri hörmətli Elmira xanım Şükürova olmaqla bütün Kəlbəcər məktəbi müəllimlərimizi təbrik edir,şərəfli yolda uğurlar arzu edirik.Arzumuz budur rayonumuz işğaldan azad olunsun və öz rayonumuzda hörmətli müəllimlərimizi təbrik edək" .
