Bayraq Günü münasibəti ilə Kəlbəcər 23 saylı orta məktəbdə də tədbir keçirilib
Bayraq - bir ölkəni, təşkilatı, quruluşu və ya birliyi işarələyən, əsasən parçadan olan, dövlət rəmzi olub, müharibələr, inqilablar, nümayişlər zamanı öndə, insanların başı üzərində aparılan, müxtəlif rəsmi təşkilatların binalarının qarşısında dirəyə asılan və həmin təşkilatı təmsil edən, Vətən uğrunda şəhid olanların qəbirləri üzərinə salınan dövlət atributudur. Bayrağın üzərindəki hər rəng və simvol bir özəl məna daşıyır.
Bu sözlər bu gün Kəlbəcər rayon 23 saylı köçkün orta məktəbdə dövlət Bayraq Gününə həsr olunmuş tədbirdə səslənib. Tədbiri məktəbin direktoru Həqiqət xanım Şükürova açaraq, müstəqil dövlətimiz rəmzlərindən olan üç rəngi bayrağımızı hər birimizin sevməli olduğunu və daima ucalarda dalğalanması üçün əzmlə çalışmamızın vacıbliyini qeyd etdi.
Sonra məktəbin şagirdlərinin ifasında dövlət bayrağımız haqqında şerlər səsləndi və musiqi nömrələri təqdim edildi.
Sonda tədbir iştirakçıları xatirə şəkli çəkdirmişlər.
