Beynəlxalq QHT Forumunda işğal altında qalan dini-mədəni abidələrimiz gündəmə gətirildi


22:30 | 05.10.2018


Tunisdə UNESCO ilə rəsmi tərəfdaşlıq edən Qeyri - Hökumət Təşkilatlarının (QHT) beynəlxalq forumu keçirilib. Moderator.az xəbər verir ki, “Miqrasiyaya fərqli baxış” mövzusunda keçirilən forumda Azərbaycanı “Aşıq Şəmşir” Mədəniyyət Ocağı İctimai Birliyinin sədr müavini Fazil Qasımov təmsil edib.

UNESCO ilə rəsmi tərəfdaşlıq edən QHT rəhbərləri, BMT və UNESCO ekspertləri, Tunisin hökumət rəsmiləri və insan haqları fəallarının iştirakı, Tunis hökumətinin himayəsində və İnsan Haqları üzrə Ərəb İnstitutunun ev sahibliyi ilə reallaşan forumda miqrasiyanı doğuran amillər, miqrantları göndərən və qəbul edən ölkələrdə miqrasiyanın nəticələri sosial, iqtisadi, mədəni aspektlərdən müzakirə olunub. UNESCO baş direktorunun müavini Nada Naşif forumun açılışında çıxış edərək, miqrantların sosial-iqtisadi inkişaf üçün vacib amil olduğunu bildirib. Aparılan müzakirələrdə Suriya böhranı, Afrika ölkələrindən Avropaya yollanan qanunsuz miqrantların Aralıq dənizində üzləşdiyi faciələr və digər humanitar məsələlərdə QHT-lərin vəzifələri qeyd edilib.


Ölkəmizi forumda təmsil edən “Aşıq Şəmşir” Mədəniyyət Ocağı İctimai Birliyinin sədr müavini Fazil Qasımov çıxış edərək, Azərbaycanın beynəlxalq səviyyədə tanınan, işğal altındakı ərazilərində maddi mədəniyyət abidələrimizin, o cümlədən İslam mədəniyyətini əks etdirən dini-mədəni abidələrimizin erməni təcavüzünə məruz qaldığını, 63 məscidin tamamilə məhv edildiyini UNESCO ilə rəsmi tərəfdaşlıq edən QHT rəhbərlərinin diqqətinə çatdırıb. “Aşıq Şəmşir” Mədəniyyət Ocağı İctimai Birliyinin həyata keçirdiyi layihələr ilə, məcburi köçkünlərin qeyri-maddi mədəni irsinin mühafizəsi istiqamətində sistemli iş aparıldığını qeyd edən QHT rəsmisi, işğal altında qalan mədəniyyət abidələrimizin taleyindən narahatlığını ifadə edib və münaqişə zonalarında maddi mədəniyyət abidələrinin monitorinqini təmin edən beynəlxalq mexanizmlərin qurulmasının vacibliyini vurğulayıb.


Fazil Qasımov, ölkəmizdə dini tolerantlığın yüksək səviyyədə olduğunu, qaçqın və məcburi köçkünlərin sosial-iqtisadi vəziyyətinin yaxşılaşdırılması üçün ölkə başçısı İlham Əliyevin rəhbərliyi ilə sosial layihələrin icra edildiyini vurğulayıb. Qeyd edək ki, Ümumdünya İnsan Hüquqları Bəyannaməsinin 70 illiyinə həsr olunmuş forumda 58 ölkəni təmsil edən 100-dən çox QHT rəsmisi iştirak edib. 


BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev