Darıxdım...


Axşam da qəribdi, mən də qəribəm,

Ürəyimdən nələr keçdi, darıxdım.

Zalım ayrılığın kamil ovçusu

Ox atdı, sinəmi deşdi, darıxdım.

Nə kövrək zamandı, nə kövrək andı Nəfəsim təngidi, ürəyim yandı. Kəpəzdən bir çəngə bulud boylandı Xəyal uzaqlara uçdu, darıxdım.

Qoy yazım varağı, qalmasın ağı Kim çəkər həsrəti Bəhmənsayağı?! Çox da müqəddəsdir Gəncə torpağı Kəlbəcər yadıma düşdü, darıxdım.

Bəhmən Vətənoğlu Gəncə, 1992 Qardaş, bilirəm, indi sən də Bəhmənin ovqatını yaşayırsan… Elə mən də! Yanlış yazdım, 1993-cü ildən… Kəlbəcərə, ümumən işğalda olan torpaqlara həsrətik. Azərbaycanın qüdrətli Ordusu Ali Baş Komandanımızın qətiyyəti və mahir diplomatik gedişi ilə bizi bu 27 illik həsrətə qovuşdurmaqdadır! Bilirəm - vəkillərinin dediyinə görə, Ordumuzun hər bir qələbəsinə necə sevinirsən! Deməsələr də, sənin Qarabağın, Kəlbəcərin, işğal altında olan bütün torpaqlarımızın azadlığı uğrundakı mübarizənə (əvvəllər hərbi, sonralar diplomatik müstəvidə) bələdəm. Üç ay qabaq telefon danışığımızda dediyin sözlərin reallığını indi Ordumuz Kəlbəcəri azad etmək ərəfəsində dərk etdim: qardaş, ürəyimə damıb ki, bu il hökmən Kəlbəcər azad olunacaq. Elə qətiyyətlə dedin ki, inanmamağa haqqım olmadı. İndi təsəvvür edirəm hər qələbə xəbərini eşidəndə necə sevinməyini! İnşallah, ümid edirəm ki, Qarabağı tam azad edəndən sonra birlikdə oraları ziyarət edib Kəlbəcərimizdə xarabazarlığa çevrilmiş kəndlərimizdəki ata evimizi yenidən tikəcəyik. Onda Hümmət müəllimlə İbrahim Ağalaroğlunun ruhları da şad olacaqdır... Əziz qardaşım, bu gün sənin çox arzuladığın gündür. Çox arzu edirdin torpaqlarımızın mənfur düşməndən azad olunmasını... Həm də 65 yaşının tamamında möhtərəm Prezidentimizin icazəsi və xeyir-duası ilə təqaüdə çıxıb elmi-pedaqoji fəaliyyətini davam etdirməyi... Birincisi Azərbaycan Ordusunun və Ali Baş Komandanımızın qüdrəti ilə həll olunur, yubiley yaşın isə ulu yaradanın hökmü ilə! Bu yubileyinə xüsusi yazı hazırlamağı planlaşdırmışdım, amma heç nə yaza bilmədim... Yaza bilmirəm... Bağışla məni, qardaş! Bir tərəfdən Qarabağdakı uğurlu döyüş əməliyyatları nəticəsindəki Qələbənin sevinci, sevinc göz yaşları, digər tərəfdən… İndi sadəcə, böyük şairimiz Bəhmən Vətənoğlunun 1992-ci ildə Gəncədə yaşadığı dövrdə sənə həsr etdiyi şeirin təsiri altındayam. DARIXDIM... Kəlbəcər üçün necə darıxıramsa, səndən ötrü də o qədər darıxdım… Nə az, nə çox! 65 illik yubileyini təbrik edirəm! Sücaətin bu misralarını hələlik keçirə bilmədiyimiz yubileyinə ünvanlayıram: Qəm eləmə, ağrın alım Kişi bərkə-boşa düşər… Mavi gözlərindən öpürəm, əziz və əvəzedilməz qardaşım! Tezliklə görüşmək arzusu ilə...


Əlövsət Ağalarov

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev