Girovlardan daha məktub gəlmir - Ailələri NARAHATDIR


11:40 | 11.10.2018


“İki aydan çoxdur ki, Şahbazdan məktub almırıq”.

Bu barədə Modern.az-a erməni girovluğunda olan Şahbaz Quliyevin bacısı İradə Quliyeva məlumat verib. Onun sözlərinə görə, yaxınları sonuncu dəfə iyulun 29-u girova məktub yazıblar:

“Bu yaxınlarda Beynəlxalq Qızıl Xaç Komitəsinə (BQXK) zəng etdim ki, iki aydır qardaşıma yazdığımız məktuba cavab almırıq. Komitə səbəbini izah edə bilmədi və bir xəbər olsa, sizə bildirəcəyik, dedilər. Avqust ayında BQXK əməkdaşları girovlara baş çəkiblər. Amma bizə heç bir məktub, məlumat çatdırılmayıb”.

İradə Quliyeva girovlara məktub yazmağa imkan yaradılmadığı barədə iddialara da münasibət bildirib. Girovun bacısı bunu inandırıcı hesab etmir:

“Şahbaz vaxtaşırı bizə yazırdı, durumundan, halından xəbər verirdi. Çox müəmmalıdır ki, iki aydır məktubumuza cavab yoxdur. Ümid edirəm ki, heç olmasa bizim son yazdığımız məktub ona çatıb”.

İşğal olunmuş ərazilərimizdə girov saxlanan digər həmvətənimiz Dilqəm Əsgərovun ailəsi isə 2017-ci ilin noyabrından bu günə qədər girovdan məktub almır. D.Əsgərovun oğlu Kürdoğlu Əsgərov deyib ki, dəfələrlə BQXK əməkdaşlarına bu barədə müraciət edib:

“Onlar isə sadəcə atamın məktub yazmaq istəmədiyini əsas gətirirlər. Təbii ki, buna inanmıram. Necə olur ki, atam 11 aydır məktub yazmaq istəməsin? Düşünürəm ki, Ermənistan hakimiyyəti atamın bizə yazmağına imkan vermir”.

2014-cü il iyul ayında soydaşlarımız Dilqəm Əsgərov və Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər.

İşğal altındakı Dağlıq Qarabağda D. Əsgərov və Ş. Quliyev üzərində “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

Modern.az

#Əsirlər #Girovlar

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev