Hikmət Əsgərovun müraciəti
ANS-in sabiq əməkdaşı, istedadlı jurnalist Hikmət Əsgərovun müraciətin sizə çatdırırıq ! Hikmət Əsgərov : " Dostlar, sizdən acizyanə və ərk dolu xahişim var!
Hər dəfə sosial şəbəkələrdə xəstələrin şəfası üçün kömək istəyən insanları görəndə ürək ağrısı ilə müraciətlərini ya paylaşmışam, ya da imkanım qədər yardım etməyə çalışmışam. Heç vaxt ağlıma gəlməzdi ki, bu köməyi, bu müraciəti doğma canım, qanım bacım üçün istəyərəm.
Bacım Məmmədova Samirənin bu xəstəliyə düçar olması çox gözlənilməz oldu. Gözləmədiyimiz halda məlum oldu ki, ən kəskin leykozdan onu itirə bilərik. Hazırda Samirə B.Ə.Eyvazov adına Elmi-Tədqiqat Hematologiya və Transfuziologiya İnstitutunda yatır. Artıq 2 kurs məlum müalicəni alıb və həkimlərin dediklərini ede bilsək bacım aramıza qayıdacaq. Amma, yerli və başqa dövlətlərdə olan həkimlər təcili sümük iliyi köçürülməsini bildirdilər. Məsələ odur ki, bu prosesin həyata keçirilməsi üçün külli miqdarda ödənişlər etməliyik. Satmaqla, qohum, dost tanışın köməyi ilə çox çətin yığılar bu məbləğ. Bu müddət ərzində bütün müalicələri köməksiz, əlimizdə olanlarla etmişik. Amma indi maddi tərəf tükəndi. Bu səbəbdən də sizdən Samirənin şəfası üçün ailəmizə dəstək olmağınızı, maksimum səfərbər olmağı xahiş edirəm. Bunu hansı acı ilə yazıram təsəvvür edə bilməzsiniz!
Samirə müəllimədir. 38 yaşı var. 2 gül qız balaları var. Gözəl ana, təsibkeş bacı, ləyaqətli övladdı. Körpələrinə görə bu xəstəliyinə qarşı tam gücü ilə mübarizə aparmaq istəyir. O, yaşamaq üçün, övladlarının səsini uzun müddət eşitmək üçün, qayğılarını çəkmək üçün bir saç telindən tutunub.
Hər birinizdən xahiş edirəm bu postu paylaşın. Gündə bir neçə dəfə paylaşın. 1 manat bu gün Samirənin həyatında böyük rol oynayacaq. Bilirəm ki, köməksiz qalmayacağıq! Onun yaşaması bir Allahdan və bir də hər gün hesabına atılacaq 1 manatlardan asılı vəziyyətə çatıb. Oxuduğunuz üçün minnətdəram!"
Həmyerlimizə dəstək olaq bu məsələdə ,biganə qalmayaq məsələyə .
