Savat və Şaolin döyüş növləri üzrə turnirə start verilib



Yanvarın 19-da Dövlət Gömrük Komitəsinin İdman Sağlamlıq Mərkəzinin təşkilatçılığı ilə Savat (Fransız boksu) və Şaolin döyüş növləri üzrə turnirin açılış mərasimi keçirilib. Turnir 20 Yanvar şəhidlərinin xatirəsinə həsr olunub.

Tədbirdə Milli Olimpiya Komitəsinin (MOK) vitse-prezidenti Xəzər İsayev, Azərbaycan-Fransa Universitetinin direktoru Vazeh Əsgərov, Azərbaycan Gənclər və İdman Nazirliyinin nümayəndələri və müxtəlif federasiyaların rəhbərləri iştirak ediblər.


Kalbajar.com AZƏRTAC-a istinadən verir ki, açılış mərasimində əvvəlcə 20 Yanvar şəhidlərinin xatirəsi bir dəqiqəlik sükutla yad olunub.


MOK-un vitse-prezidenti Xəzər İsayev, Azərbaycan-Fransa Universitetinin direktoru Vazeh Əsgərov 20 Yanvar hadisələrinin müstəqilliyə gedən yolda xalqımızın şərəf və ləyaqət salnaməsi olduğunu vurğulayıblar. Diqqətə çatdırılıb ki, idman ictimaiyyəti bu cür yarışların keçirilməsi ilə öz şəhidlərinə ehtiramlarını nümayiş etdirir.



Azərbaycan Savat və Şaolin Döyüş Sənətləri Federasiyasının prezidenti Rafiq Əliyev Prezident İlham Əliyevə idmançılara göstərdiyi diqqət və qayğıya görə təşəkkürünü bildirib. Federasiya prezidenti savat - fransız boksu idman növünün 2024-cü ildə Parisdə keçiriləcək Olimpiya oyunlarında təmsil oluna biləcəyini qeyd edib. O, bu yarışa qatılan yeniyetmə və gənclər arasında da Olimpiya oyunlarında iştirak edənlərin olacağına əminliyini bildirib.


Rafiq Əliyev federasiyanın artıq ilk uğur qazandığını da diqqətə çatdırıb. Belə ki, Bakı 2021-ci ildə keçiriləcək Avropa çempionatına ev sahibliyi edəcək.


Açılış mərasiminin sonunda Xəzər İsayev Azərbaycan Savat və Şaolin Döyüş Sənətləri Federasiyasının ilk fəxri üzvü elan edilib və fəxri fərmanla təltif olunub.


Qeyd edək ki, yarışa 16 komandadan 140 idmançı qatılıb. Turnirdə Bakı, Abşeron, Astara və Tovuz idmançıları qüvvəsini sınayır.


#Idman #ŞaolinvəDöyüşsənəti

BİZ XOCALINI
UNUTMADIQ!
25-26 FEVRAL
1992

  • 613 nəfər qətlə yetirilib, o cümlədən:

    • 63 uşaq;

    • 106 qadın;

    • 70 yaşlı.

    • 8 ailə tamamilə məhv edilib;

    • 25 uşaq hər iki valideynini itirib;

    • 130 uşaq bir valideynini itirib;

  • 487 yaralı;

  • 1275 girov;

  • 150 itkin düşüb.

BİZ AĞDABANI
UNUTMADIQ!
8 APREL
1992

  • 130 ev yandırılmış, o cümlədən:

    • 779 nəfər qeyri-insani işkəncələr verilmiş;

    • 67 nəfər qətlə yetirilmiş;

    • 8 nəfər 90-100 yaşlı qoca;

    • 2 nəfər azyaşlı uşaq;

    • 7 nəfər qadın diri-diri odda yandırılmış;

    • 2 nəfər itkin düşmüş;

    • 12 nəfərə ağır bədən xəsarəti yetirilmişdir

BİZ BAŞLIBELI 
UNUTMADIQ!
18 APREL
1993

  • 18 gün gizli yaşaya bilmişlər, o cümlədən:

    • 27 qətlə yetirilmiş;

    • 19 nəfə girov götürülmüş;

    • Sağ qalan 30 nəfər isə sığınacaq yerləri kimi kahaları seçiblər

    • Onlar 113 gündən sonra – iyulun 17-də sığınacağı tərk edərək yalnız gecələr hərəkət etməklə gizli dağ yolları vasitəsilə Ermənistan ordusunun mühasirəsindən çıxa biliblər.

            Copyright  © 2020        |       www.kalbajar.com        |      Əlaqə :(+994 55) 585-55-58     |     Email : kalbajar93@hotmail.com        |      Development by Rashad Abdullayev